Stór ráðstevna 5. oktober
31. august 2015
Nordisk Forening mot barnmishandling og omsorgssvikt – NFBO - skipar fyri ráðstevnu í Norðurlandahúsinum 5. oktober 2015, har barnarættindi og sálarløstir hjá børnum eru á dagsskrá. Komið verður inn á teir møguleikar og tær avbjóðingar, sum eru í hesum sambandi.
Annika Olsen, landsstýriskvinna, setur ráðstevnuna. Tey, sum leggja fram henda dagin, eru:
• Dag O. Nordanger, Dr. psycol., serfrøðingur í kliniskari barna- og ungdómssálarfrøði
• Tóra Petersen, PhD, cand.psych.aut.
• Marianne Nørregaard, dómarafúlltrú og granskari innan manna- og barnarættindi
• Sólja í Ólavstovu, Barnanna umboðsmaður
• Birita Ludvíksdóttir, løgfrøðingur og forkvinna í høvuðsbarnaverndini
• Oddbjørg Balle, leiðari á Barnaverndarstovuni og Barnahúsinum
• Jógvan D. Hansen, heimsspekingur
Luttøkugjaldið er 500 krónur. Limir í NFBO gjalda tó 450 krónur. Við í luttøkugjaldinum er miðmáli, kaffi og okkurt afturvið.
Tilmelding fer fram umvegis heimasíðuna hjá Barnabata, www.barnabati.fo.
