“GLOYM MEG EI”
10. mars 2017
Alzheimerfelagið og Kommunufelagið skipa i døgunum 31. mars - 1. apríl 2017 fyri ráðstevnu undir heitinum GLOYM MEG EI, menniskja í miðdepilin.
Ráðstevnan verður báðar dagarnar á Hotel Føroyum, frá kl. 9.00 - 16.00. Kostnaður er 500 kr. fyri hvønn dagin. Ráðstevnan er ætlað politikarum, starvsfólki, avvarðandi og annars øllum áhugaðum.
Hetta er triðju ferð, at ein slík ráðstevna verður hildin í Føroyum. Hon hevur áður verið hildin í 2013 og 2015. Talan er sostatt vorðið um eitt regluliga afturvendandi tiltak, ið varpar ljós á sváru støðuna, sum tey mongu, ið gerast dement, eins og familjur teirra koma í – men komið verður eisini í stóran mun inn á, hvussu vit skapa frægastu karmarnar fyri einum lívi við sjúkuni.
Áhugaverda skráin fyri dagarnar er at síggja her.
