Svensk vitjan
18. apríl 2018
![](/admin/public/getimage.ashx?format=webp&quality=80=&crop=7&x=0&y=0&image=/Files/NewsImages/Kommunufelagid/Svensk vitjan.jpg&width=800&height=500)
Hósdagin og fríggjadagin í farnu viku vitjaði formansskapurin í svenska ríkisdegnum okkara løgting.
Í hesum sambandi var formansskapurin á vitjan í Kommunufelagnum. Svenska ferðalagið hevði sett fram ynski um, at fáa eina frágreiðing um føroyska kommunubygnaðin, hvussu ábyrgdarbýtið er millum land og kommunur, og hvussu kommunubygnaðurin er fíggjaður.
Stjórin í felagnum greiddi svensku gestunum frá okkara kommunubygnaði, og hvussu kommunurnar stuðla upp undir menningina kring landið.
Gestirnir vóru serliga hugtiknir av samferðsluútbyggingunum, sum í løtuni fara fram í Føroyum, og hvussu vit leggja dent á at varðveita eina spjadda búseting og ein fjølbroyttan kommunubygnað.
Í svenska ferðalagnum vóru Urban Ahlin, formaður í svenska ríkisdegnum, Patrik Björck, Socialdemokraterna, Staffan Danielsson, Centerpartiet, Mattias Karlsson, Sverigedemokraterna, og Elin Lundgren, Socialdemokraterna. Harumframt vóru átta embætisfólk við á ferðini.
Ferðalagið fór heimaftur fríggjakvøldið.