Fundur við løgmann

Formaðurin og næstformaðurin í Kommunufelagnum hittu í dag løgmann á fundi í Tinganesi, har felags mál vóru umrødd.

Felagið hevur í eina tíð ynskt eina skipan, har landsmyndugleikin og kommunurnar javnan koma saman at viðgera sínámillum viðurskifti, og hetta ynskið var gingið á møti við fundinum í dag.

Avtalað varð, at tríggir fundir verða partanna millum á hvørjum ári, soleiðis at samskifti og samstarv kann koma í eina fasta legu.

Meira er at lesa um fundin á heimasíðuni hjá Løgmansskrivstovuni.