Semja millum Kommunala Arbeiðsgevarafelagið og Maskinmeistarafelagið

Semjan byggir á eina lønarhækkan á 2,3 % fyrra árið. Seinna árið verður nýggj lønartalva tikin í nýtslu og samanumtikið svarar samlaða lønarhækkanin til á leið tann karmin, ið upprunaliga varð lagdur, tá almenni arbeiðsmarknaðurin fór undir samráðingar í fjør. Semjan inniber somuleiðis fleiri dagføringar av orðingum í sáttmálanum umframt einstakar dagføringar av lønum hjá vaktmeistarum á Sundsverkinum og umflokking av einum starvi á Vágsverkinum.

Kommunala Arbeiðsgevarafelagið fegnast um semjuna og heldur nú áfram við samráðingum við heilsurøktarar, handverkarar og dagrøktarar.