Semingsstovnurin komin uppí

Kommunala Arbeiðsgevarafelagið og Maskinmeistarafelagið hava síðani juni mánað samráðst um endurnýggjan av sáttmálanum hjá maskinmeistarum starvsettir hjá SEV og IRF.

Seinasti fundur var tann 1. oktober. Á hesum fundi samdust partarnir um, at neyðugt var at fáa triðja part upp í samráðingarnar, og tískil er semingsstovnurin boðsendur. Terji Sigurðsson, ið júst hevur tikið við nýggjari setu, hevur havt ein innleiðandi fund við báðar partar, og semingsfundir verða í næstum.