Dálkingin fram við landi

Í góðveðrinum í dag vóru starvsfólkini í Kommunuhúsinum á ruddingarferð í Sugguni í Kirkjubø í sambandi við stóra umhvørvisátakið Norðurlendsk Strandarudding, ið varpar ljós á óruddið, sum sløðist í fjøruni. Átakið hevur í ár fingið dygga undirtøku millum nógvar kommunur kring landið.

Tað er í dag ikki so nógv rekaviður, sum liggur í fjøruni, men heldur ymiskt úr plasti – ikki minst togverk og net, ið kann verða til stóran ampa. Tí ræður um, at slíkt rusk javnan verður tikið upp og fyribeint á røttum stað.

Síðan ruddingina fyri sløkum ári síðani, var væl av ruski komið upp á land. Hetta ber boð um, at vit í minsta lagi eina ferð um árið eiga at ganga fram við sjóvarmálanum og taka tað upp, sum fólk í tankaloysi hava tveitt frá sær.

Umframt at gera ein ítøkiligan mun her og nú, kann strandaruddingin eisini leggja lunnar undir nærri kanning av dálkingini, so vit fáa eina breiða mynd av trupulleikanum, ár um ár. Vit fáa samstundis eisini at vita, hvørjar dálkingarkeldurnar serliga eru, og sum vit síðan kunnu taka hóskandi stig ímóti.

Fleiri tíðindi

KOMMUNUFELAGIÐ 05-04-2018
KOMMUNUFELAGIÐ 21-03-2018
KOMMUNUFELAGIÐ 08-02-2018
KOMMUNUFELAGIÐ 06-02-2018
KOMMUNUFELAGIÐ 03-10-2017
KOMMUNUFELAGIÐ 30-10-2017
KOMMUNUFELAGIÐ 06-07-2017
KOMMUNUFELAGIÐ 15-06-2017
KOMMUNUFELAGIÐ 13-06-2017
KOMMUNUFELAGIÐ 28-04-2017
KOMMUNUFELAGIÐ 24-04-2017
KOMMUNUFELAGIÐ 28-03-2017